Novator.az xarici valyutaların rəsmi məzənnələrinin yanvar-mart aylarında necə dəyişməsinə nəzər salıb.
Avro 2020-ci ilə 1,9025 manatla başlayıb. Fevralda maksimal qiymət 1,8839 manat, martda 1,9332 manat olub.
Gürcüstan larisi 0,5947 manatla start götürüb. Fevralda ən yüksək rəsmi məzənnə 0,6095 manat, martda 0,6122 manat göstərilib.
Rusiya rublu ilə 0,0275 manatla girib. Yanvarın yuxarı qiyməti 0,0278 manat, fevralınkı 0,0271 manat, martınkı 0,0258 manat həddində rəsmiləşib.
Türkiyə lirəsi yola 0,2849 manatla çıxıb. Yanvarda rəsmi məzənnənin zirvəsi 0,2895 manat, fevralda 0,2842 manat, martda 0,2792 manat səviyyəsində qərar tutub.
2015-ci ilin devalvasiyaları nəticəsində dolların rəsmi kursu 0,7844 manatdan 1,5594 manata qalxıb.
2016-cı ildə rəsmi qiymət 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.
Dövlət Neft Fondu Mərkəzi Bankın 2020-ci ilin yanvar-fevral aylarında keçirdiyi valyuta hərraclarında 843,6 milyon ABŞ dolları məbləğində vəsait satıb. Yanvarın hərraclarında 300,2 milyon dollar, fevralın hərraclarında 543,4 milyon dollar sərf olunub.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.