Martın 10-da avronun rəsmi məzənnəsi 1,9332 manata yüksəlib. Novator.az bildirir ki, 2020-ci ilə 1,9025 manatla başlayan avro yanvarın 8-dən martın 6-dək 1 manat 90 qəpikdən ucuz satılıb.
Avro nağdsız dövriyyəyə 1999-cu ildə buraxılıb, 2002-ci ildən real pul vahidi kimi işlədilir. Zonaya Almaniya, Avstriya, Belçika, Estoniya, Finlandiya, Fransa, İrlandiya, İspaniya, İtaliya, Kipr, Latviya, Litva, Lüksemburq, Malta, Niderland, Portuqaliya, Slovakiya, Sloveniya, Yunanıstan və başqa ölkələr daxildir.
Mərkəzi Bank ABŞ dollarının kursunu 1,7 manat həddində saxlayıb.
Gürcüstan larisi (0,6007 manat), Rusiya rublu (0,0232 manat), Türkiyə lirəsi (0,2769 manat) isə ucuzlaşıb (Valyutalar).
2015-ci ilin devalvasiyaları nəticəsində dolların məzənnəsi 0,7844 manatdan 1,5594 manata yüksəlib.
2016-cı ildə rəsmi qiymət 1,7707 manata çatıb.
2017-ci ilin fevralında maksimal qiymət qeydə alınıb: 1,92 manat. Həmin ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
Lari 2020-ci ilə 0,5947, rubl 0,0275, lirə 0,2849 manatla başlayıb.
Dövlət Neft Fondu Mərkəzi Bankın 2020-ci ilin yanvar ayında keçirdiyi valyuta hərraclarında 300,2 milyon ABŞ dolları məbləğində vəsait sərf edib.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
