İngiltərə milli futbol çempionatında 27-ci tura fevralın 24-də yekun vurulacaq. Novator.az-ın məlumatına görə, indi turnir cədvəlinə 26 oyunda 76 xal yığan “Liverpul” başçılıq edir. “Mançester Siti” 27 oyuna 57, “Lester” 50, “Çelsi” 44, “Mançester Yunayted” 41 xal toplayıb.
25 turu geridə qalan İspaniya çempionatında “Barselona” 55 xalla öndədir. “Real”ın 53, “Atletiko” və “Sevilya”nın 43, “Xetafe”nin 42, “Real Sosyedad”ın 40 xalı var.
İtaliya çempionatında “Yuventus” 25 oyuna 60 xalla ilk sıranı tutur. Onu 59 xalla “Latsio” təqib edir. “İnter” 24 oyuna 54, “Atalanta” 45, “Roma” 25 oyuna 42 xal götürüb.
Almaniya çempionatında 23 oyuna 49 xal yığan “Bavariya” liderdir. “Leypsiq” 48, “Borussiya” (Dortmund) 45, ehtiyatda bir oyunu olan “Borussiya” (Mönhenqladbah), eləcə də “Bayer” 43 xal götürüb.
Fransa çempionatında PSJ 26 tura 65, “Marsel” 52, “Renn” 44, “Lill” 43 xal əldə edib.