ABŞ-da mərkəzi bank funksiyasını yerinə yetirən Federal Ehtiyat Sistemi sentyabrın 18-də banklara verilən borc üzrə faiz dərəcəsinin – uçot dərəcəsinin yuxarı həddini 2%-ə düşürüb.

Azərbaycanda isə Mərkəzi Bank sentyabrın 19-da dolların kursunu 1,7 manat səviyyəsində saxlayıb.

2015-ci ildə dolların rəsmi məzənnəsi 0,7844 manatdan 1,5594 manata qalxıb. 2016-cı il 1,7707 manatla, 2017-ci il 1,7001 manatla başa çatıb. 2018-ci il martın 7-dən dollar banklara 1,7 manata təklif edilir.

Novator.az-ın məlumatına görə, sentyabrın 19-da Rusiya rublunun rəsmi qiyməti də dəyişməyib: 0,0264 manat.

Avro (1,8766 manat) və Gürcüstan larisi (0,5734 manat) dəyər itirib, bahalaşan Türkiyə lirəsi isə 0,2990 manata satılır (Tam siyahı).

2019-cu ilə avro 1,9323, lari 0,6346, rubl 0,0245, lirə 0,3141 manatla başlayıb.

25-29 aprel arası, mayın 3-də, 20-24 və 29-31 may, 24 iyul-5 avqust arası avro 1 manat 90 qəpikdən ucuz təklif edilib. Avqustun 14-dən rəsmi məzənnə yenə 1 manat 90 qəpikdən aşağıdır.

Dövlət Neft Fondu manatın məzənnəsini qorumaq üçün Mərkəzi Bankın 2019-cu ilin yanvar-avqust aylarında keçirdiyi valyuta hərraclarında 3 milyard 893,9 milyon dollar məbləğində vəsait satıb.