Hansı qurumların tərkibi yeniləndi?
Prezident İlham Əliyev bir çox qurumun tərkibini yeniləyən fərman imzalayıb. Novator.az-ın məlumatına görə, Dövlət Sirrinin Mühafizəsi üzrə İdarələrarası Komissiyanın tərkibi bu redaksiyada verilib: sədr – baş nazirin birinci müavini; üzvlər –müdafiə naziri, ədliyyə naziri, xarici işlər naziri, iqtisadiyyat naziri, maliyyə naziri, nəqliyyat, rabitə və yüksək texnologiyalar naziri, ekologiya və təbii sərvətlər naziri, daxili işlər naziri, müdafiə sənayesi naziri, Dövlət Təhlükəsizliyi Xidmətinin rəisi, Xarici Kəşfiyyat Xidmətinin rəisi, Xüsusi Dövlət Mühafizə Xidmətinin rəisi, Dövlət Sərhəd Xidmətinin rəisi, Azərbaycan Milli Elmlər Akademiyasının prezidenti, Dövlət Neft Şirkətinin prezidenti.
Korrupsiyaya Qarşı Mübarizə üzrə Komissiyanın tərkibi belə müəyyənləşib: Prezident Administrasiyasının rəhbəri; prezidentin hüquq mühafizə orqanları ilə iş və hərbi məsələlər üzrə köməkçisi-şöbə müdiri; Prezident Administrasiyasının qanunvericilik və hüquq ekspertizası məsələləri şöbəsinin müdiri; daxili işlər naziri; Dövlət Təhlükəsizliyi Xidmətinin rəisi.
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının yeni tərkibi belədir: sədr – baş nazirin müavini; sədrin müavini – daxili işlər naziri; üzvlər – prezidentin hüquq mühafizə orqanları ilə iş və hərbi məsələlər üzrə köməkçisi-şöbə müdiri, Milli Məclisin əmək və sosial siyasət komitəsinin sədri, Nazirlər Kabineti Aparatının təhlükəsizlik və müdafiə məsələləri şöbəsinin müdiri, baş prokurorun birinci müavini, maliyyə nazirinin birinci müavini, ədliyyə nazirinin müavini, səhiyyə nazirinin müavini, təhsil nazirinin müavini, kənd təsərrüfatı nazirinin müavini, müdafiə nazirinin müavini, gənclər və idman nazirinin müavini, xarici işlər nazirinin müavini, ekologiya və təbii sərvətlər nazirinin müavini, əmək və əhalinin sosial müdafiəsi nazirinin müavini, mədəniyyət nazirinin müavini, Dövlət Gömrük Komitəsi sədrinin müavini, Ailə, Qadın və Uşaq Problemləri üzrə Dövlət Komitəsi sədrinin müavini, Dövlət Təhlükəsizliyi Xidməti rəisinin müavini, Dövlət Sərhəd Xidməti rəisinin müavini, Səfərbərlik və Hərbi Xidmətə Çağırış üzrə Dövlət Xidməti rəisinin birinci müavini, Azərbaycan Milli Elmlər Akademiyasının vitse-prezidenti, Milli Televiziya və Radio Şurasının sədri, Qeyri-Hökumət Təşkilatlarına Dövlət Dəstəyi Şurasının sədri, Bakı Şəhər İcra Hakimiyyəti başçısının müavini, Azərbaycan Həmkarlar İttifaqları Konfederasiyası sədrinin müavini, Milli Qeyri-Hökumət Təşkilatları Forumunun prezidenti.
Əfv Məsələləri Komissiyasında sabiq daxili işlər naziri Ramil Usubovu indiki nazir Vilayət Eyvazov, Dövlət Təhlükəsizliyi Xidmətinin keçmiş rəisi Mədət Quliyevi indiki rəis Əli Nağıyev əvəzləyib.
Eyni əvəzlənmə 2020-ci ilin Avropa futbol çempionatının 4 oyununun Bakıda keçirilməsi üzrə təşkilat komitəsində aparılıb.
