Novator.az 2018-ci ildə Azərbaycan Respublikasında doğulmuş uşaqlara qoyulan adların statistikasına nəzər salıb.
İlin ən populyar qız adı Zəhradır. Ədliyyə Nazirliyinin təqdim etdiyi statistikaya əsasən, bu il Zəhra adını 2441 uşaq alıb.
Populyar adlar onluğunda Nuray (1655 uşaq), Aylin (1567), Zeynəb (1553), Məryəm (1549), Fatimə (1357), Mələk (1307), İnci (1194), Dəniz (1055), Mədinə də (993) var.
Oğlan adları içində Yusif birincidir. Bu ad 2018-ci ildə 2445 uşağa verilib.
Digər populyar adlar kimi Əli (2053 uşaq), Hüseyn (1875), Uğur (1553), Ömər (1532), Məhəmməd (1339), Murad (1308), Ayxan (1054), Tunar (939) və İbrahim (780) göstərilir.
