Dövlət Neft Fondu Mərkəzi Bankın aprel ayında keçirdiyi valyuta hərraclarında 802,6 milyon ABŞ dolları məbləğində vəsait satıb. Rəsmi məlumat mayın 2-də açıqlanıb.

Novator.az bildirir ki, yanvarın valyuta hərraclarında fonddan 299,1 milyon dollar, fevralın valyuta hərraclarında 364,1 milyon dollar, martın valyuta hərraclarında 647 milyon dollar məbləğində vəsait alınmışdı.

2018-ci ilin dörd ayı ərzində satılan valyutanın həcmi 2 milyard 112,8 milyon dollardır.

Mərkəzi Bank hazırda ABŞ dollarını 1,7 manata təklif edir. 2018-ci ildə dolların maksimal rəsmi qiyməti 1,7001 manat olub. Həmin kurs ilin əvvəlindən martın 7-dək qüvvədə qalıb.

2017-ci ildə Dövlət Neft Fondu valyuta hərraclarında 3 milyard 598 milyon dollar satmışdı.